Abenduaren 5a da gaur, boluntariotzaren nazinoarteko eguna. Euskadik gaur egun 158.500 boluntario daukaz, horreen %61 Bizkaian, 97 mila inguru hain zuzen be. Bizkaia Gara alkarteak aste gitxiko bizitzea dauka eta Boluntak 20 urtez boluntariotzea sustatzen egindako lan mardularen lekukoa hartu dau. Bizkaian, boluntarioak lortzeko, dagozanak indartzeko eta saretzea bultzatzeko sortu da eta Bizkaia Gara alkarteko Leire Ortiz de Zarate Goizeko Izarretan saioan alkarrizketatu dogu gaur.
Ortiz de Zaratek azaldu deuskunez parte hartzeko modu desbardinak dagoz orain. Lehen boluntarioa, gehienetan, alkarte bateko kide izaten zan eta gaur egun boluntario askok ez dabe horren beharrik sentiduten. Alde batetik astegoien jakin baten ekintza puntual baten parte hartzen dauen familia egon leiteke eta bestetik kanpaina berezi baten boluntario dabilen pertsona gaztea. Parte hartzeko arlo anitzak (ingurumena, gizarte ekintza, astialdia…) dagozala azpimarratu dau Bizkaia Gara alkarteko kideak baita alkarteek (handi zein txiki) boluntarioen beharra izaten jarraitzen dabela.
Lokalean eragiteaz gain, parte hartzea esparru globalean irudikatu behar dala uste dau Bizkaia Garak. Hori dala eta boluntariotzea eta 2030erako Garapen Jasangarrirako Helburuak lotzearen garrantziaz berba egin deusku Leire Ortiz de Zaratek.
