Euskaltzaleen Topaguneak Gau Beltzaren inguruko doako online ikastaroa antolatu dau irailaren 25erako. Gura daben guztiek hartu leikie parte. Formazino saioa izango da. Josu Ozaita antropologoak eta Mikel Elortza irakasle eta idazleak eskeiniko dabe. Lehenengoak Gau Beltzaren jatorriaz egingo dau berba eta Elortzak barriz, ospakizunaren inguruko balioen ganean. Parte hartu nahi izan ezkero, esteka honetan emon daiteke izena.
Bideoak
Euskaltzaleen Topaguneak, Gau Beltza sustatzeko asmoz, ospakizunaren ganeko 8 bideo-labur sortu dauz. Gau horren ezaugarriak eta ospatzeko moduak ezagutzera emoteko bideoak dira. Youtubeko kanalean dagoz guztiak ikusgai eta laster jarriko dira webgunean erabiltzaileek deskargatu ahal izateko.
