Gemma Lopez Las Heras azkoitiarrak aurkeztutako proiektuak irabazi dau Literaturako Nobel saridunak euskaratzeko AEDk eta Elkar-ek Arrasateko Udalaren eta Laboral Kutxaren laguntzaz antolaturiko 34. Jokin Zaitegi Itzulpen-lehiaketea. Holan erabagi dau Nora Arbelbidek, Aiora Jakak eta Joseba Urteagak osoturiko epaimahaiak eta aurkezturiko lan guztien artean hautatu dabe.
Beraz, iazko urte amaieran Suediako Akademiak Nobel saridun izendaturiko Annie Ernaux idazle frantziarraren La femme gelée eleberria euskeratu beharko dau itzultzaileak, eta 2023 urte amaieran emogo dau argitara Elkar argitaletxeak. Gemmagaz berbaz jardun dogu “Lau Haizetara” irratsaioan.
