Gorbeia Suzien lasterketea berezia da aurten. Betikoaz gainera, Munduko Kopako finala be korriduko da. Skymasters lasterketan zapatuan (9:00) korrikalaririk onenak batuko dira. Euskal Herritarren artean, Oihana Azkorbebeitiak Munduko Kopea irabazteko aukerea dauka. Skyrace lasterketan, betikoan, 600 parte-hartzaile batuko dira.
Jurek Ziemkiewicz antolatzaileagaz egin dogu berba Bizkaia Irratian. Ziemkiewiczek nabarmendu dau maila handiko lasterketea izango dala, eta gogorra. Zaleek autobusak izango ditue Zeanuritik Pagomakurrera igoteko. Joan-etorrian ibiliko dira zapatuan. Gorbeia Suzien lasterketearen inguruan ekitaldi ugari antolatu ditue astegoien osorako. Eguenean hasiko dira berbaldi bategaz.
