Bilboko suhiltzaileak kalean protestan ikusi doguz azken egunetan. Lan Eskaintza Publiko amankomuna izan da protesta gaietako bat, baina, beren beregi Bilbon bizi daben “urteetako egoera eskasa” izan da kalera urtetako arrazoi nagusia.
Hiru aldarrikapen azpimarratzen dabez: formakuntza berezituen beharrizana, besteak beste, suizidio kasuak artatzea toketan jakenerako; Bilbok urtarriletik anbulantzia propioa ez eukiteak be euren lanean eragin zuzena eta larria daukala salatzen dabe; eta, hirugarren, Deustuko parketxea orain dala 10 urte zabaldu zanetik daukan behin behinekotasun izaeraren gabeziak agertu dabez.
Bilboko udal ordezkariek entzungor egiten dabela eta komunikaziorako ez dagoala bokazinorik azpimarratu dau Iñigo Gallaga suhiltzaileen ordezkariak Goizeko Izarretan irratsaioan. Horregaitik, kalera urten eta euren egoeraren barri gordin kontatzea erabagi dabe.
