Behi okelea modu naturalean ekoizten dau Nanikek, Kortezubiko Barrenetxe-barri baserrian, eta Laboral Kutxa-Lorraren saria jaso dabe. Jacqueline Txertudi, Fermin Urizar eta euren seme biak dabilz lanean bertan, eta behi okeleaaz gain, Gernikako indabea, pier txorizeroak, kalabazea eta intxaurrak ekoizten ditue.
Ganaduari dagokionez, 190 abelburu inguru daukiez, Blonda Akitania eta Limousin arrazakoak. Harabia modu naturalean ekoizten dabe, zero kilometro filosofian, eta horixe autortu deutse Laboral Kutxa-Lorra saria emonda, “okelearen bikaintasuna tradizinoa, barrikuntzea eta jasangarritasuna nahastuta”.
