Luhartz taldeak 41 urte bete dauz. Urteurrena ospatzeko Durangoko Plateruena Kultur Aterpean eskeiniko dabe kontzertua bagilaren 15ean. Era berean, “Zutik” izeneko disko barria aurkeztuko dabe berezia izango dan emonaldian. Rafa Iriondo soinujole eta tekladujoleagaz egin dogu berba Lau Haizetara irratsaioan.
Publikoaren erantzuna
Iriondok azaldu deuskunez, 41 urteko ibilbidean taldekideak joan-etorrian ibili dira. Joandako batzuk barriro be bueltatu dira. Rafa bera, hasieratik mantentzen da taldean. Bere esanetan, hainbat urtez irautea, publikoaren aldetik jasotako erantzunaren fruitua da. Izan ezi dira askotan ibilbidea amaitzeko baina azkenik aurrera egitea erabagi dabe. Asmoa, 40. urteurrena ospatzea zan baina ezin izan zan. Bidean disko barria sortu dabe “Zutik”. Honakoa Durangoko kontzertuan eskeiniko dabe lehenengoz. Emonaldi berezia izango dala aurreratu dau Iriondok.
