Zaporeak Gobernuz Kanpoko Erakundeak jatekoak eta materiala batuko dau zapatuan Arrigorriaga eta Orozkon, Siriara bialtzeko. Urteak daroez Siriako kanpamenduetara laguntza bialtzen. Behar handia dauke kanpamenduetan eta batez be orain arte, jatekoak eta ikasteko materiala eroan deutsie. Helena Ruiz de Azua Zaporeak GKEko kideagaz berba egin dogu Goizeko Izarretan.
“Kanpamenduetan egoera beti izan da larria, ez daukelako ezer eta orain lurrikaren ondorioz, okertu egin da egoera larri hori” zehaztu deusku Ruiz de Azuak. Momentu honetan batez be mantak eta lozakuak behar dabez; hotz handia egiten dauelako sasoi honetan Turkia eta Siria aldean. Zapatuan Arrigorriagan (Eroski eta BM ondoan) elikagaiak eta materiala batuko dabe goizeko 10:00etatik eguerdiko 13:00a arte. Orozkoko plazan beste horrenbeste egingo dabe goizeko 10:00etatik eguerdiko 14:00etara.
