Maitena Urberuaga EHUko odontologia irakaslearen eskutik emon deutsagu hasierea aurtengo Zientzia Tarteari Aupa Bizkaia irratsaioan. Urberuagaren eskutik, gaixotasun periodontalen inguruan egin dogu berba. Gaixotasun periodontala, kronikoa dan gaixotasun infekzioso eta hanturazkoa da. Bakteria-plakaren pilaketaren ondorengo hortz-oien handitzeagaz hasten da. Aurrera joan heinean, ehun-eusleei eragin ahal deutse.
Fase goiztiarrean, gaixotasun periodontala gingibitis modura azalaratzen da. Bestalde, periodontitisa tratau ez dan gingibitisaren garapena da. Kasu honetan, handitze gingibalak hortz-oien eta hazur-euslearen suntsiketa eragiten dau. Edozelan be, periodontitisa garaiz sendatzen ez badogu, periodontitis latza agertu ahal da.
Zelan ekidin daitekez?
Gaixotasuna pairatzeko minberatasuna ezin da ekidin. Halanda be, gatxaren garapenari aho-hortzetako higiene apartagaz aurre egin ahal jako. Erretzea lako ohitura kaltegarriak itxi eta dentistak ezarritako frekuentziagaz ikuskatzeetara joatea be garrantzisuak dira.
