Mendekotasunari eta zaintzari buruzko hitzaldia antolatu dau Elorrioko Udalak, Bizkaiko Pentsinodunen mobimenduagaz batera, astelehenerako, apirilaren 20rako. Korapiloak askatzen izenburupean, saioak Bizkaian zaintza sistemak dauan egoerea aztertu eta hausnarketarako gunea eskainiko dau. Berbaldia goizeko 11:00etan hasiko da Aldatsekuan. Hizlaria Arantza Urkaregi izango da. Bizkaia Irratiko mikrofonoetan esan deuskunez, pentsinodun gisa eta gai honetan ibilbide luzea daroan pertsona moduan, zaintzaren errealidadeaz, mendekotasun egoeran dagozan pertsonen beharrez eta gaur egungo sistemaren erronkez berba egingo dau.
