Azaroaren 5an Zaintzaileen Nazinoarteko Eguna izan zan eta horren arira Naroa Adan IMQ Igurco-ko gizarte langileagaz berbetan izan gara saioan. Zainketa arloan aurrera pausu handiak emon dira teknologi barriari esker. Holan etxeko zainketen plan pertsonalizatuak erabilten dira eta teknologi barri honeek oso baliagarriak dirala azldu deusku Adanek. Hori guztia, batez be, zaintzaileen lan-karga arintzerako orduan ikusten da, ezagutza handiagoa eta hobea emoten dabelako. Zainketen harreman-eredu barriak adinekoen, horreen senideen eta profesional soziosanitarioen partaidetza behar dau.
“Europako zahartzea: adinekoei begiradea” txostenak, Europako Estatistika Bulegoak (Eurostat) egindakoak, agerian laga dau 65 urtetik gorako biztanleen mendekotasun-indizea biztanle aktiboekiko % 23,5etik (2001ean) % 30,5era (2018an) jaitsi dala Europan, eta 2050ean indize hori % 49,9raino helduko dala.
