Antxoaren arrantzaldi ona aurreikusi dabe. Denporaldia hasi eta hiru egunetan 190mila kilo batu dabezala esan euskun Ondarroako Kofradiatik Eusebio Arantzamendik astelehenean handik egin genduan Goizeko Izarretan berezian. Antxoa ez eze, sardinea be harrapau dabe, 50mila kilo inguru (asteleheneko datua). Antxoaren tamainuaz be pozik dagozala azaldu euskun Arantzamendik.
Antxoaren arrantzaldia
Bajurako arrantzan kosterea pasa dan astean hasi zan. Aurton arrantzaleek 29 mila tona harrapau ahalko dabez, aurrekoan baino %17 gehiago. Bizkaiko bajurako flotako itsasontziek batez be Bermeo, Ondarroa eta Santurtziko portuetatik urteten dabe. Antxoaren kosteran uste dabe gauzak ondo joango dirala. Biologoek egindako prospekzino guztietan datu onak batu dira. Iazkoa, egindako prospekzino guztietatik hirugarren onena izan zan. Bizkaiko bajurako flotan baina, ontzi gitxi dago. Azken urteetan asko galdu da Ondarroako Kofradiako buruaren esanetan.
Ondarroako Kofradia barria
Ondarroako kofradia barria martxan da. Inagurazino ekitaldiak be egin dira eta instalazinoak lehengoak baino askoz hobeak dira. Arlo guztietan irabazi dabela esan deusku Eusebio Arantzamendik.
