Gernika Rugby Taldeari lau partidu geratzen jakoz ligea amaitzeko. Helburua maileari eustea danez, puntuak behar ditu. Azken aurrekoa da, une honetan, eta gitxienez beste postu bat gora egin behar dau, zuzenean jaistea saihesteko. Lau partiduetatik hiru etxean daukiez basurdek. Lehenengoa, domeka honexetan, Belenosen aurka. Irabazteko moduko partidua da Peio Urrutia jokalariak esan deuskunez.
Urrutiak 5 denporaldi daroaz Gernikako lehen taldean. Aurretik futbolean be ibili zan umetan. Baina, 23 urte izateko, esperientzia badaukala esan behar da. Belenosen aurkako partidua irabazteko, euren jokoa egin behar dabela esan deusku. Belenosi partidua nahastetan itxi barik. Garrantzitsuena, presinoa gainetik kentzea eta disfrutetea izango da, bere eretxian.
