Eskuz binakako txapelketa bere txanpa erabagigarrenean sartu da, final erdiak astegoien honetan hasiko dira.
Laso eta Albisu bikoteak lehen postua lortu eben kanporaketako ligaxkan, 14 partidutik 13 irabazita.
2.ak, eta beraz, sailkapena zuzenean lortu daben beste bikotea Elordi eta Zabaleta izan dira. Mallabiarra, barriro be, final erdietako ligaxkan izango dogu.
Beste bi sailkatuak, Altuna – Ezkurdia eta Jaka – Iztueta bikoteeek play offak jokatu behar izan dabez.
Gaurko tertulian, Play offak aztertzeaz gain, datozen final erdien inguruan be berba egin dogu Imanol Magrok (Berriako kazetaria), Cesar Ortuzarrek (Deiako kazetaria), Ramon Basalduak eta Beñat Igarzak.
