Ben Stiller aktore famatua kameraren atzean kokatu da oraingoan ‘Severance’ (ala erdaraz ‘Separación’) telesaila zuzentzeko. Adam Scott, John Turturro, Patricia Arquette eta Christopher Walken bezalako aktoreek parte hartzen dabe Dan Ericksonen mundu honetan.
Telesailak Mark Scout jarraitzen dau, Lumon Industries korporazinoko behargin berezi bat. Berezia da ebakuntza egin dauelako Lumon enpresan lan egiteko, ‘severance’ izeneko prozedura. Holan, pertsona horren bertsio bi bereizten dira. Mark Scout, eta Mark S. Hau da, benetako pertsona eta behargina. Izaera erabat desbardinak dira, eta batak ez dau bestearen mundua ezagutzen. Beraz, Mark Scout enpresan sartzean, Mark S. bihurtu eta bere bizitza osoa ahazten dau.
Zientzia-fikzinozko thriller honek teknologiaren erabilera arriskutsua salatzen dau, ikuspuntu futurista batetik. Musikea, arte zuzendaritza eta gidoia ezinhobeto landu dabez tentsinoa amaierara arte mantentzeko.
