Gordexolan dagoen Tipi-Tapa zentroak zaldiekin lagundutako terapia eskaintzen dau aniztasun funtzinonala daukien pertsonen bizi-kalidadea hobetzeko. Proiektuaren sortzaile eta zuzendari Ziortza Llanok, gainera, emakumeen lidergo ekintzailea autortzen dauen WITTH saria jaso barri dau Sevillan.
2021ean sortutako zentroa Bizkaian terapia mota honetan espezializautako zentro monografiko bakarra da. Bertan, erabiltzaile bakotxaren beharretara egokitutako saioak diseinatzen ditue, aurretik egindako balorazino baten bidez. Terapia prozesuan, helburu fisikoak, kognitiboak, emozinonalak eta sozialak lantzen dira.
Erabiltzaile bakotxarentzat zaldirik egokiena aukeratzea funtsezkoa da. Horretarako, animaliaren izaerea, tamainua, mobimentua eta landu beharreko helburu terapeutikoak hartzen ditue kontuan, beti be zaldiaren ondoizatea bermatuz. Gainera, hasieran batez be umeak artatzen baebezan be, gaur egun helduen eskaria be gero eta handiagoa dala azaldu dabe.
Llanoren esanetan, terapiaren erronka nagusietako bat gizartean dagoen ezagutzea handitzea da. Horrez gain, etorkizunera begira, zaldiekin lagundutako terapia persona guztientzat eskuragarriago izatea da Tipi-Taparen helburu nagusietako bat.
