Autismoaz kontzientziatzeko munduko eguna da gaurkoa. Apnabi alkartetik gogoratu deuskue, autismoa ez dala gaixotasun bat. Bilbon egin da gaur eguerdian, Apnabik, autismoa daukienen familien alkarteak deituta ekitaldia. Ainhoa Basarrate komunikazino arduradunak esan deuskunez, urteko egun garrantzitsuena da honakoa eurentzat. Ehun pertsonetatik batek dauka autismoaren espektroaren nahasmendua. Pertsona bakotxean bilakaera desbardina dauka. Autismoa, ez da gaixotasun bat. Goiz detektatzea oinarrizkoa izaten da, nagusitan hobeto egon ahal izateko.
Ekitaldi gehiago
Apnabik, autismoaz kontzientziatzeko egunaren ganeko ekitaldiak zezeiletik antolatu dauz. Eskola-jazarpenaren ganeko jardunaldia egin zan hasteko. Alkartetik gogoratu dabenez autismoa daben umeen %80ak jasan dau eskola-jazarpena. Martian, Osasun inklusiboa helburu jardunaldia egin eben. Autismoaren ganeko ikerketek horren beharra ikusi dabela azpimarratu zan. Gaurko ekitaldiaren ostean hurrengoa domekan izango da Leioan. Autismoa Martxan! Ekimenaren 3. edizinoa egingo da. Mila lagun baino gehiago batzea aurreikusten dabe. 6 euro ordaindu behar da izena emotea eta kamisetea jasoko dabe parte hartzaileek. Apnabiren webgunean emon daiteke izena.
