Zeanurin lau ermita zaharbarrituko dabez proiektu pilotu bati esker. Arkitektura ikasleek, Gondra Barandiaran fundazinoak eta herritarrek ondare historikoa berreskuratu gura dabe Zeanurin. Lan hau auzolanean egingo dabela esan deusku Angel Larreak, Arratia institutuko irakasle eta Otzerinmendi kofradiako kideak asteon Goizeko Izarretan irratsaioan.
Zeanurin Frantzian abiatutako lanak hartu dabez eredu modura, proiektu pilotu hau aurrera eroateko. Hamazortzi ermita daukez Zeanurin eta batzuren egoerea ez da ona; hasteko lau baseleiza barriztauko dabez.
