Bedar Hockeyko gizonezkoen RC Jolasetak 3-2 galdu dau UD Taburienteren aurka, MGS Ligako denporaldi barriko bigarren jardunaldian eta lehen postuan etxetik kanpo.
“Partidu gogorra izan zan, aldakorra pelotea menderatzeari jagokonez. Aurkariak oso ondo hasi ziran, nahiz eta gero guk dinamika hori aldatu egin genduan, diru sarrerekin, penaltiekin eta gol aukera argiekin, baina ez genduzan bihurtu “, azaldu dau Pablo Fernandez Jolasetako entrenatzaileak. Azkenean, talde kanariarrak hartu eban abantailea markagailuan lehen laurenaren amaieran eta 25. minutuan 2-0ekoa egon egoan markagailuan. Minutu batzuk geroago Luis Pascualek aldeak murriztu ebazan bizkaitarrentzat 2-1ekoa ezarriz.
Atsedenaldi luzearen ondoren, penalti korner baten ondoren aldaratzeak 3-1ekoarekin urruntzea ahalbidetu eutsen etxekoei. Euskal taldeak burrukan jarraitu eban eta Alvaro Pradok be, penalti baten ostean aldaratze batean, 3-2koa sartu eban azken txistua joteko 4 minutu falta zirala, baina bere taldeak ez eban bardinketea lortzeko denporarik izan.
“Partidu gogorra izan zan eta asko burrukatu genduan, baina oraingoan ezin izan genduan aurreko denporaldian bezala punturik lortu. Orain jarraitu egin behar dogu eta hurrengo partiduan pentsatu”, adierazo dau entrenatzaileak, bere hurrengo partidua aitatuz. Egara Klubaren aurka neurtuko dauz indarrak zapatuan, 13: 00etan, etxetik kanpo.
Bedar hockeyko emakumezkoen RC Jolasetak denporaldiko bigarren norgehiagoka jokatu dau astegoien honetan – eta lehenengoa etxetik kanpo –. Bardinketea (1-1) lortu dau RS Tenisagaz eta ondorioz, puntu banaketea Iberdrola Ligako sailkapenean.
Euskal taldeak 21. minutuan edegi eban markagailua Camila Chavezek sartutako golari esker. Bizkaitarrek abantaila horri eutsi eutsien ia partidu osoan zehar, baina RS Tenisak ez eban etsi eta 53. minutuan Carolina Azzarok 1-1ekoa sartu eban. Bardinketea behin betikoa izan zan eta bi taldeek puntu bakarragaz itxi eben sailkapen taula.
“Partidu ona egin genduan, lehen zati oso ona egin genduan eta atsedenaldian irabazten joan ginan. Bigarren zatian Tenisa nagusi izan bazan be, defentsan oso ondo aritu ginan. Sabore gazi-gozoagaz goaz, zelai zal batean 3 puntu lortzeko 7 minutura egon ginalako, baina pozik nago jokalari guztien lanarekin”, adierazo dau Nacho Lecanda Jolasetako entrenatzaileak. “Sufritzen eta 60 minutuak ehuneko ehunean jokatzen jakin dogu, eta ziur lortutako puntua oso garrantzitsua izango dala”, ganeratu dau.
Bardinketa honegaz, Neguriko taldea 8. postuan kokatu da puntu 1ekin, RS Tenis, Sanse Complutense eta CD Terrassa Hockeyrekin batera. Bizkaitarren hurrengo norgehiagoka domekan izango da, 12: 30ean, Negurin. Bertan, RC Poloren aurka neurtuko ditue indarrak.
