Euskotrenek Bilboko metroaren 3. lineako gaueko zerbitzua indartuko dau ekainean. Holan, ostiraletik zapatura bitarteko gauetan trenak gau osoan ibiliko dira, bidaiariei garraio publikoaren erabilerea errazteko.
15 minutuko maiztasuna gau osoan
Neurria bagilaren 5ean jarriko da martxan, eta trenak Kukullaga/Etxebarri eta Matiko/Bilbo geltokien artean ibiliko dira etenik barik. Zerbitzua bi noranzkoetan eskainiko da, 15 minutuko maiztasunagaz.
Euskotrenek erabiltzaileei gomendatu deutse joan-etorriak aurretiaz planifikatzea eta ordutegiak kontsultatzea, bai aplikazino ofizialaren bidez, bai konpainiaren webgunean dagoan bilatzailearen bitartez. Neurri horregaz, bagileko astegoienetako gaueko mogikortasuna hobetzea da helburua.
