Urrian Bizkaiko hainbat udalerritan egiten ari diran ondare jardunaldien barruan, Diman bihar, tailer parte hartzailea egingo da. Gogoratu daigun, “Jasangarritasuna” dala Europako ondare jardunaldien lelo nagusia. Ekimen honen 22. aldia da aurtengoa. Bizkaiko Foru Aldundiak koordinatzen dauz saioak. Urrian zehar, 140 ekintza egingo dira Bizkaiko 61 udalerritan.
“5 Zentzumenekin”
“5 Zentzumenekin” izena jarri deutse Diman bihar egingo dan ekintzari. Antzasti museoak antolatu dau. Goizeko hamaika ta erdietan hasiko da. Museoa bisitauko dabe lehenengo isiltasunean. Argazkiz eta bertsoz osotutako bideo baten emonaldia izango da ostean. Azkenik, usaimena, ukimena eta dastamenagaz lotutako tailerrak izango dira. Esperimentazinoan oinarritutako tailerrak izango dira. Dimako ondare jasangarriaren balioa nabarmentzea da saioaren helburu nagusia.
Izena emon behar
Bihar goizeko hamaika ta erdietan jarri dabe hitzordua Antzasti museoan. Izena emon behar izan da aurretik, baina Elena Amezagak esan deusku, hurreratzen diran guztientzako lekua izango dala.
Ekitaldiak hilero
Antzasti museoan hilero antolatzen dabez kultur saioak. Zemendiari begira, Elena Amezagak aurreratu deusku, entzutearen ganeko tailerra izango dala. Eugenio Ibarzabalek eskeiniko dau.
