Traineru denporaldia ez da hasiko datorren ekainera arte, aurretik estropada batzuk jokatuko badira be. Arraunlariak, baina, hasi dira datorren urteko denporaldia prestatzen. Ia zazpi hilabeteko aurredenporaldia egiten dabe, estropada ofizialetan lehiatzen hasi arte. Josu Elu, Ondarroako “Antiguako Ama” traineruko arraunlaria, Iñaki Goikoetxea “Tabero”, Urdaibaikoa eta Iurgi Gorostiza, Isuntzakoagaz egon gara berbetan denporaldi hasierearen ganean.
Datorren urteko denporaldian be ez da nobedade handirik izango traineruetako tostetan eta klub gehienetan arazoak euki dabez eta daukiez, koadrilak osatzeko. Harrobiko mailetan arraunlari ugari ibili arren, gitxi batzuk emoten dabe azken jauzia eta gehienek itxi egiten dabe arraunketea senior mailara iritsi aurretik. Ondorioz, betiko “dinosaurioak” ari dira lehian urtero.
Denporaldiko hasierako entrenamenduak izaten dira gogorrenak. Ordu asko gimnasio barruan edo korrika saioetan eta tarte txikiak uretara urteteko. Eluk, Goikoetxeak eta Gorostizak urte asko daroez arraunean eta hirurak bat datoz esatean denporaldiko hasierako asteak dirala gogorrenak. Gustora egongo gara eurekaz berbetan Jokoan tartean.
