SD Amorebietak Atlético Saguntinoren aurka jokatu behar dau kopan. Zemendiaren 12-ko astegoienean izango da kanporaketea. Partidu bakarrekoa da, eta bidaia gatxa da azulentzat. Horixe esan deusku Asier Goria Kirol zuzendariak. Dana dala, dana emotera joango dira. Izan be, kopeak ilusino berezia eragiten dau, eta jokalarietzat be garrantzitsua da, bere esanetan.
Ligan, Amorebieta sailkapenaren azken tokietan dago. Bederatzi partidu jokatuta, 8 puntu daukiez azulek. Azken partidua Castelló liderraren aurka 1-0 galduta dagoz. Goiriak nasaitasuna eskatu dau. Dino jokalari asko berandu heldu dirala eta egokitu beharra dagoela. Baina konfiantzaz dago. Uste dau nasai egoteko unea dala, eta frutuak jasoko dituela.
Kopako kanporaketeari jagokonez, Bizkako taldeek danetariko aurkariak daukiez. Athleticek, Amorebietak lez, Levante alderako osterea dauka. Alziraren aurka urten deutso. Gernikak eta Arenasek bigarren mailako aurkariak hartuko ditue etxean. Gernikak, Leganes, eta Arenasek, Lugo. Sestaok, barriz, Ferrolgo Racingen aurka jokatuko dau Las Llanasen.
