Denpora Alkarteko Borja Muñoz teraupeteak urte hasiera honetan “Hasieren hasierataz” egin deusku berba, informazino gehiago eta espektatiba gitxiago izan behar dogula esanaz. Urtea hasi barri dan honetan, hasierek zenbat irauten daben galdetzeko geure buruari esan deusku, hasiera bera prozesua dalako. Gauzak hasten direnean gogoekin eta asmo honekin hasi ahal doguz edota espektatibekin. Lehenengoak indarra emongo deuskue, besteak ostera frustrazinorako bidea dira.
Nerabezaroa, hainbestentzat bizitza erotiko partekatuaren hasiera dan horretan zenbat espektatiba transmititzen deuskue? Lehenengo aldi heterosexual eta kopulatzailea guztiontzat preskribitzen danean, zer geratzen jako desirari? Lehenengo aldi bakar honen aurrean, zenbat lehen aldi zenbatu ahal doguz?
