Aste Nagusiari begira Bilboko BBK Salak ekoizpen barri bat dakar: ¡Agur, Otxoa feroz! ikuskizuna. Otxoa personai ezagunaren agertokietako agurra izango da, eta era berean, omenaldia 50 urteko ibilbideari. Abuztuaren 20tik irailaren 3ra bitartean egongo da ikusgai aretoan bertan. 12 emonaldi programau dabez eta estreinaldirako lau egun falta diranean, sarreren %90 baino gehiago saldu dira.
Unai Izquierdok idatzi eta Getari Etxegaraik zuzendutako ikuskizuna da ¡Agur, Otxoa feroz! ikuskizuna. La Otxoa personaiaren atzean dagoan Jose Antonio Nielfa personea ezagutzeko aukerea eskainiko deusku, bizipen gordinakaz. “Gazi-gogo hori bilatzen ahalegindu gara” esan deusku Getari Etxegarai zuzendariak. Baina umorea be ez da faltauko.
¡Agur, Otxoa feroz! BBK Salaren laugarren ekoizpen propioa da, 2021eko Yerma, Borderland ganbara-operearen (2022) eta Yarin dantza piezearen (2023) ondoren.
