Zapaturo lez, David Madarietagaz astegoieneko estrenaldiei buruz berba egin dogu Aupa Bizkaia programako Zine tartean. Astegoien honetan Lekeitioko Zineman Kaouther Ben Hania tunisiar zuzendariaren La voz de Hind film luzea ikusteko aukera daukagu. Hind Rajab, bost urteko ume palestinarraren benetako istorioa kontetan deuskun filmea.
2024ko urtarrilaren 29a da, Ilargi Gorriko boluntarioek larrialdi dei bat jaso dabe. Hind Rajab izena daukan 5 urteko umea auto baten harrapauta dago Gazan, Palestinan. Supean dago eta erreskatatzeko erregutzen. Beragaz telefonoz harremanak mantentzen saiatzen diran bitartean, ahal daben guztia egiten dabe anbulantzia bat bialtzeko.
Betiko lez, gaur egungoak ez diranak, baina guretzako interesgarriak izan diran pelikulak be gogoratu doguz.
