Gerediaga alkarteak eta Ursula Donea adinekoen alkarteak antolautako ekimenaren bidez, Mañariko herritarren album pribatuetan gordeta dagozan irudiak digitalizatu eta etorkizunerako gordetzea da helburua, herriaren memoria kolektiboa osotzeko.
Karmelo Bilbaok Ursula Donea alkarteko idazkariak azaldu dauenez, mota guztietako argazkiak bilatzen dabez: ospakizunak, personak, eskolak, lanak eta herriko eguneroko bizitza erakusten daben irudiak. Argazki guztiak digitalizatu ondoren, jaubeei itzuliko jakez, eta bakotxagaz batera haren testuingurua eta historia be jasoko dira.
Antolatzaileek herritarren erantzun ona nabarmendu dabe, eta bildutako materiala Gerediagaren webgunearen bidez herritarren eskura jartzea aurreikusten dabe.
