Ordoñez-Falcon bildumagileen argazkien dohaintza jaso dau Bilboko Arte Ederren museoak. Senar-emazteak dira Enrique Ordoñez eta Isabel Falcon, Donostiakoak. Argazkigintza eta bideo-sorkuntza arloan, Europako funts pribadu garrantzitsuenetarikoa da eurena. Guillermo Zuaznabar erakusketaren komisarioak azaldu deuskunez, Ordoñezek betidanik izan dau lotura estua irudiagaz. Aspaldi hasi ziran argazkiak biltzen.
110 argazki
Oraingoan, 110 argazki jaso dauz Bilboko Arte Ederren museoak Ordoñez eta Falcon senar-emazteen eskutik. “Mundu Berri bat ikusgai” izena jarri deutse bildumari. Argazkigintzaren bitartez mundua eraldatu daitekeela azaldu nahi dabe era honetara. 1850 eta 2010. Urtera bitarteko kronologia hartzen dau museoak jasotako multzoak. 63 egileren lanak dagoz eta 14ren kasuan, egile anonimoenak dira. Hiru gai edo multzotan banatu da erakusketea; Zientzia eta Natura, Arkitektura eta Uria azkenik Erretratuak eta Pertsonak. Jasotako lanen artean, Alain Urrutia bilbotarraren “Katamalo” lana be badago, 12 marrazkiz osotutakoa. 2024ko zezeilaren 18ra bitartekoa da Ordoñez eta Falconen dohaintzaren erakusketea. Museoaren 6, 7, 8, 9 eta 10 aretoetan dagoz argazkiak.
