Zezeilaren 10tik 18ra bitartean egin da 2024. urteko Uniraid rallya. Ekimen solidarioa da honakoa. Ibilgailu klasikoakaz egiten da ibilbidea, bidean, materiala bananduz. Ez dago irabazlerik. Aurten, bederatzi etapatan egin da ibilidea. 120 ibilgailuk hartu dabe parte. Ikastetxeak izaten dira parte-hartzaileak eta Euskal Herritik Otxarkoagako Formazino Zentroa izan da parte hartzaile bakarra.
Lau irakasle
Otxarkoagako ikasketa zentro honetan Maroko aldeko ikasle asko dagoz. Euretariko batzuk, Mekanika gradua ikasten ari direnak izan dira rallyan parte hartu daben ibilgailuak prestatu dabezanak. Ibilbidea, kotxe bitan egin dabe zentroko lau irakaslek. Hainbat material banandu dabe Marokon zehar: botikak, eskolarako materiala, jostailuak edo erropak. Batzuk eskolak berak erositakoak izan dira eta beste batzuk ikastetxeko irakasle, kide edo ikasleek emondakoak. Eder Merino irakasleagaz egin dogu berba eta esan deuskunez, oso pozik dagoz izandako esperientziagaz. Aurrera begira, barriro parte hartzea aurreikusten dabe. Egunotan, rallyan izandako irakasleek bizi izandakoaren barri emongo deutse ikasleei.
