Bizkaiko Psikologoen alkargotik, Maider del Rio Larramendik esan deusku, psikologoak esparru desbardinetan izan beharko litzatekezala. Atzo izan zan psikologoen eguna espainiar estaduan. Juan Huarte eguna edo San Juan izan zan atzo, euren zaindariaren eguna. Hau dala eta, Maider del Rio Larramendi psikologoagaz egin dogu berba Lau Haizetara irratsaioan. Esan deuskunez, Osakidetzan, psikologo gehiago egon beharko litzatekez. Osakidetzan gehiago, eta esparru desbardinetan be bai, eskoletan edo erakunde publikoetan, besteak beste.
Tabuaren amaierea
Pandemia garaian aipatu zan, buruko osasunagaz lotutako arazoak gehitu egin zirela. Maider del Rio psikologearentzat, areagotu barik beharbada, azaleratu egin ziren. Lan karga handia daukie gaur egun psikologoek eta gitxi dagoz eskaereari erantzuteko. Gazteen artean be askok joten dabe psikologoarengana. Maider del Riok azaldu deuskunez, gazteek apurtu egin dabe psikologoarengana joatearen ganean egoan tabua. Maider del Rio durangarrak gustokoa dau bere lanbidea. Pertsonei laguntzea da berarentzat onena eta txarrena daukien lan-karga.
