Bilboko Eleizbarrutiko Teologia eta Pastoraltza Institutuak (ETPI) antolatuta, Philomena Shize Hirotak hitzaldia eskainiko dau zemendiaren 23an, Gotzainen Sinodoaren XVI. Batzar Nagusian bizi izandako esperientziaren barri emoteko. Saioa on-line izango da eta Barria eraikineko aretoan (Bilboko Plaza Barria, 4., 1. solairua) jarraitu ahal izango da.
Esther Crespo Eleizbarrutiko Teologia eta Pastoraltza Institutuko kideak aurreratu deuskunez, Filo Hirotak Sinodoaren esperientziaren eta Sinodoaren erronkei buruz berba egingo dau hitzaldian.
Filo Hirota Berrizko Mesedetako Misinolarien ordenakoa da eta bera izan da Frantzisko Aita Santuak urriaren 4tik 29ra bitartean Vatikanoan ospatu zan batzar nagusira konbidadu ebazan adituetako bat.
Alkarren Barri aldizkariari pasa dan bagilean eskaini eutsan alkarrizketan, japoniar monjak azpimarratu eban Sinodo hau gertaera gogoangarria dala Eleizearen historiarako.
