Bilbobuseko langileek elkarretaratzea egingo dabe eguazten honetan Bilboko udaletxeko eskaileretan, 10: 30etik 11: 30era, ‘Bilbobusek ez dauz soldatak ordaintzen’ leloarekin, enpresa-batzordeak deituta, aldi baterako ezintasunen (ABE) kasuan langileei soldata osorik ordaintzea eskatzeko.
Sindikatuek azaldu dabenez, Bilbobuseko langileak babesten dabezan hitzarmenaren arabera, langile bat aldi baterako ezintasun-egoeran dagoenean, aparteko ordainsariak osorik ordainduko jakoz.
“Hala be, Biobide enpresak (Bilbobus zerbitzua emoten dauana) adierazi dau langile bati dagokion epai indibidual bat irmoa daukala, eta, horren bidez, jaiegunen ordainketea % 75ean deskontatu dabe, eta bajako langileei jaiegunetan dagokien % 25 bakarrik ordaintzen deutse”, salatu dabe aipatu iturriek.
Hitzarmenean jasotako soldataren eta dagozkien osagarrien ordainketa osoa eskatzeko, baja kasuetan, eta adostutakoa ez dala betetzen salatzeko, “aldi baterako ezintasun-egoeran dagozan langileen ordainsariei zuzenean eraginez”, Bilbobuseko langileek ordubeteko kontzentrazinoa egingo dabe bihar udaletxearen aurrean, enpresa-batzordeak deituta.
