Eusko Label Ligako eta Euskotren Ligako lehiaketak Lekeitiora itzuliko dira. Domeka honetan jardunaldi barri bat jokatuko da Lekeitioko uretan, eta gaur goizean Lekeition aurkeztu diran bi banderak egongo dira jokoan: XXXVIII El Correo Ikurriña-Kutxabank SN-Lekeitioko Udala eta XII. Euskotren Banderea. Lekeition goizean egindako banderen aurkezpenean, Ander Aldazabal, Lekeitioko alkatea, Santiago Zumaran, Isuntza Arraun Elkarteko presidentea izan dira.
Kirol-jardunaldiari dagokionez, 11:25ean hasiko da, Euskotren Ligako estropadarekin, eta zortzi tripulazinoak babeslearen banderea eroaten saiatuko dira, XII. Euskotren Banderea.
Gizonezkoen XXXVIII. El Correo Ikurriña-Kutxabank SN-Lekeitioko Udala estropadea, barriz, emakumezkoen banderea amaitzean hasiko da. Bertan, txandak aurreko eguneko estropadaren sailkapenaren arabera banatuta dagoz, Hondarribiko XXXVI. Hondarribiko Bandera/MAPFRE Sari Nagusia.
