Bilboko Udalak Iturribide kalea hobetzeko lanak hasiko ditu gaur. Estetika modernoagoa eta atseginagoa emon gura jako Alde Zaharra eta Santutxu lotzen dauzen kale ezagun honi. Proiektuak 3.100 metro koadro inguruko jarduketa-eremua aurreikusten dau, Aurrekoetxea kalearen eta plazaren arteko bidegurutzetik Zazpi Kaleetaraino.
Galtzada handituko da, kale osoa maila berean bardinduz. Horren bitartez kalearen irudia handituko da beti be oinezkoei lehentasuna emonaz. Espaloiak handitu eta argiteria sistemea be hobetuko da. Era berean bizikleten erabilerea sustatzeko bizikleta-aparkalekuak jarriko dabez.
Zehatz mehatz, 1,1 milioi euroko inbertsinoa egingo da eta kalea barriztatzeko obrek sei hilabeteko epea eukiko dabe.
