Euskal derbi bat beti da berezia, nahiz eta Euskal Herritik urrun jokatu. Lointek Gernika Bizkaia eta Kutxabank Araskik Frantzian jokatu dabe alkarren kontra.
Gernikarrak Sara Madera heldu barriagaz urten ziran hasieratik. Itziar Ariztimuño, Angie Bjorklund, Gabby Nikitinaite eta Marie Michelle Milapiek osatu eben boskotea. Izan be, italiarrek berehala lortu ebezan lehen saskiratzeak, eta 4 puntu sartu ebezan lehen fasean. Baina oso ondo hasi zana Bjorklund izan zan 7 punturekin lehen laurena 18-11koarekin itxi arte. Partiduaren hasiera aurreko egunean baino askoz be positiboagoa izan zan Basket Landesen aurka. Azkenean beste jokalari baten etorrera nabaritzen da, arabere gehiago gernikarren barneko joko eskasean. Minutuak aurrera joan ahala jokalariak minutuak banatuz joan ziran, ez zan galen aurrean adina eragozpen izan falta pertsonaletan. Halan be, gasteiztarrek txandatze handiagoa eben plantilla ia osoagaz. Adibidez, Sami Hill kantxan sarteak beste erritmo bat emon jaken arabarrei, batez be saskiratzean: atsedenaldira 11 punturekin joan zan. Lointek Gernika Bizkaiak hutsegiteak egin ebazan barriro eta hankak gero eta nekatuago eukazala, saskiratzeak jatsi egin ziran. Aldagelara 11 punturekin joan zan. Ez zan nahikoa, Araskik buelta emon eutson Mont de Marsanen 33-37ra arte.
Bigarren zatian talde baten eta bestearen arteko erritmoa nabaritu zan, ez bakarrik txandatzean, Lointek Gernika Bizkaian txikiagoa, baita hanketako minutuetan be. Gernikarrentzat bigarren partidua zan 24 ordutan eta gasteiztarrentzat lehenengoa Mont de Marsaneko triangeluarrarentzat. Nekea handia izan arren, hiribildukoek beren izaera guztia atera eben berdeei aurre egiteko, Sofia da Silvarena, barriz, hirugarren aldiaren amaieran Lointek Gernika Bizkaiari bultzada emonez, 52-46 arte. Barikuko partiduan bezala bardintasuna izan zan nagusi azken lauren osoan zehar, ia beti Lointek Gernika Bizkaiaren alde. Denporaldiaurrean be ondo etorten da txapelketa ofizialari begira parekatutako norgehiagoka mueta hau. Jokalariek, batez be barriek, egoera horreen aurrean daben erreakzinoa egiazteteko balio dau. Giro horretan fidagarrienak Bjorklund eta Buch izan ziran 4,60ko lerrotik. Arabarren azken hirukoa ez zan nahikoa izan, azkenean 75-74.
