Zeberio II-Saldiasek dana eben finalerdietarako txartela ixteko Nafarroako Forua Erkidegoko XVIII. Torneoaren zazpigarren jardunaldian – G.P. Magna 2023. Punturen bat gehituta be, porrot batek hurrengo fasera sailkatzen ebazan. Matxin III.a-Otanok, ordean, sendo egon ziran Artaxoan. Urdinaçek 2-15ekoarekin hasiera bikaina emon eutsen partiduari eta garaipena 24-35eko emaitzeagaz bukatu zan. Zeberio II-Saldias bikoteari azken jardunaldiei begira egotea egokituko jako.
Artaxoako jaialdia Doneztebeko Remonte Fundazinoaren eskolatik urtendako lau erremontistek jokatutako partiduagaz hasi zan. Bertan, Jabalera-Mitxeok 28-30 irabazi eutsen Otxandorena-Leatxeri.
ZEBERIO II-SALDIAS 24-35 MATXIN III-OTANO
Markagailua: 0-1, 0-4, 1-4, 1-12, 2-11, 2-15, 9-15, 9-16, 10-16, 10-18, 13-18, 13-22, 15-22, 15-23, 17-23, 17-24, 18-24, 18-26, 22-26, 22-32, 23-32, 23-33, 24-33, 24-35. Tantoen egileak: 8 Zeberiok, 4 Saldiasek, 8 Matxinek eta 6 Otanok.
Artaxoako Pelotaleku zorrotzaren gaineko lehiak asmo desbardinak ebazan bi bikoteetan. Zeberio II-Saldias finalerdietara sailkatzeko lehian egozan bitartean, Matxin III-Otano lasai dagoz bigarren postuan. Halan, urdinek 2-15 ikusgarri batekin ekin eutsen partiduari.
Otano izan zan aldeak markau ebazan erremontista. Bere kolpe indartsuagaz jokoaren jaubetu egin zan eta Matxin III.ak tantuak noiz bukatu jakin eban. Gorriak hasieran okertuta egozan eta pixkanaka hegaldia irauli eben. 7-0eko partzial batek markagailua iraulten saiatzeko animau ebazan.
Partidua oso zaila zan gorrientzat, baina ez eben amore emon. 22-26 jarri ziran, nahiz eta Matxin III-Otano ez egozan prest partidua hasierako lan guztia bertan behera izteko. Azken txanpan ikusleek partidu ikusgarri eta entretenigarria gozau eben, azkenean 24-35 alde urdinetik erori zana.
Horrela, Zeberio II.a-Saldiasek ligaxkako lau partiduak jokatu ditue, laukian lau puntu eta -20 tantu eginda. Egoera arriskutsua da, Jabalera-Barricartek laugarren postua ken baitiezaieke. Nafarrek Uterga-Agirrezabalaren aurkako azken duelua 35-33 edo gehiago irabazten badabe, finalistak izango dira. Jabalera-Barricart 35-34 gailendu ezkero, ez leukie sailkapena lortuko, puntuen arteko bardinketa egongo litzatekelako, baina tantu aldea -20ra bardinduta geratuko litzateke. Egoera horretan, tanteo partikularra Zeberio II-Saldiasen aldekoa da ligaxkako zuzeneko norgehiagoka irabazi ebelako.
Nafarroako Forua Komunidadearen Txapelketaren hurrengo jardunaldia irailaren 15ean, barikua, ospatuko da Tafallan 19: 30etik aurrera. Uterga-Agirrezabalak Otxandorena-Ionen aurka jokatuko dabe.
