Mecanerreko 144 langileek manifestazinoa antolatu dabe gaur Bilboko Moyua plazan, Stellantis frantziar multinazionalaren aurka. Taldeko zuzendaritzak ia 150 langileri Urdulizko fabrika historikoa ixteko asmoa eukala jakinarazo eta ez eutsen aukerarik emon nola eta noiz egingo zan eztabaidatzeko. Irailaren 22an egin eben lehenengo greba Frantziar multinazionalaren aurka.
Unai Mirasolainek, enpresa batzordeko kideak grebaren bataz-bestekoak azaldu deuskuz, esanaz Eusko Jaurlaritzagaz harremanetan jarri nahi dirala. Bestalde, Mirasolainek azpimarratu dau ez daukiela harremanik enpreseagaz, Frantziako multinazionalak esan deutselako 6 hileko epea itxarongo dabela, legean adierazita dagoan lez.
Amaitzeko, Mirasolainek argitu deusku langileen helburua dala “barne-mailan talde frantziarragaz komuniketako bidea edegitea eta kanpo-mailan erakundeak inplikatzea eta erakunde horreek gure defentsan modu aktiboan parte hartzea”.
