Athleticek UD Logroñesen aurka jokatuko dau Kopa txapelketako final-hamaseirenetan. Egungo txapeldunak urtarrilaren 3an, 4an edo 5ean jokatuko dan Errioxako taldearen aurkako kanporaketeagaz ekingo deutso aurtengo Kopa txapelketeari. Zozketaren baldintzak dirala-eta, kopako partiduak maila txikieneko taldearen futbol zelaian jokatuko dira beti, kasu honetan, Las Gaunasen, Bigarren Federazioko taldearen etxean.
UD Logroñes Bigarren Federazioko II. multzoko hirugarren postuan dago, playoff postuetan, zazpi garaipen, sei berdinketa eta partidu bi galduta. Sergio Rodriguezen taldeak Girona eta Eibar kanporatu ditu aurtengo Kopa txapelketako aurreko kanporaketa bietan.
