Ondo merezidutako garaipena eskuratu dau Athleticek Celtaren zelaian. Urteko lehen hiru partiduetan bardinketa bat eta porrot bi euki ostean, Valverderen gizonek garrantzi handiko hiru punto eskuratu ditue zelain gatx baten. Izan be, Celtak Balaidosen lortu ditu orain arte dituen puntu gehienak. Bigarren zatiaren lehenengo jardunaldian lortutako garaipenari esker, zuri-gorriak hirugarren postuan jarri dira sailkapenean, Bartzelonagaz bardinduta eta tarte handia lortu dabe atzetik datozen aurkariekiko. Ganera Atletico de Madridek be galdu egin eban Leganesen zelaian eta koltxoneroekiko aldea bost puntokoa baino ez da.
Osasunaren aurkako kopako kanporaketan jasotako porrotak min handia egin eutson Athletici eta bat baino gehiago hasita egoan esaten taldearen errendimenduak beherakadea euki dauela. Valverdek, barriz, konfiantza osoa eukan bere jokalariengan eta garaipenaren bidera itzuli dira Balaidosen irabazita. Lortutako puntuak oso garrantzitsuak dira sailkapeneko goialdera hurreratu eta Txapeldunen Ligako postuetan sendotzeko. Horregaz batera, Balaidosen lortutako garaipenak konfiantzea berreskuratuko deutso taldeari.
Lehenengo zatian Celtak ez dau jaurti bere egin Unai Simonen atera. Athleticek ostera, aukera garbi bi euki dauz Nico Williams eta Pradosen jaurtiketetan baina Guaita atezainak kornerrera desbideratu dauz biak. Bigarren zatian, Claudio Giraldezen taldeak aurrerapausu bat emon dau garaipenaren bila. Zuri-gorrien atzealdeak, ostera, sendotasun ikaragarria erakutsi dau, Vivianek eta Yerayk batez be. Barakaldoko jokalariak aspaldiko partidurik onena egin dau Vigon.
Bigarren zatiko hamaseigarren minutuan Berenguerrek Celtaren zelaia zulatzea lortu dau, eskoiko aldetik Iñaki Williamsek hasitako jokaldiari amaiera bikaina emonda. Handik gitxira, Vivianek sartu dau zuri-gorrien gola, area txikian egindako erremate bategaz. Iñaki Williamsek eta Gorosabelek hasi dabe jokaldia eta Unai Gomezena izan da lehen errematea. Celtaren atezainak geratu egin dau bermeotarraren errematea baina hobek aldaratzea baliatu dau baloia buruz joteko eta Vivianek ez dau huts egin Guaitaren ate aurrean.
Athleticen bigarren golagaz partidua erabagita egoala zirudienean, Adama Boirok huts handia egin dau baloia urruntzeko orduan -laprast egin dau- eta Hugo Alvarezek Celtaren gola sartu dau. Hortik aurrera, Valverderen gizonek lan handia egin dabe margailuari eusteko, baina ez dabe isturaldirik izan. Kontuak kontu, garrantzi handiko garaipena, puntuak urrezkoak diralako eta taldeak horrelako garaipen bat behar ebalako azken hiru partiduetako bolada txarrari amaierea emon eta konfiantza berreskuratzeko. Atsedena hartzeko asti barik, zuri-gorriek Turkian jokatuko dabe Besiktasen aurka eguaztenean.
