BakQ identifikazino eta sinadura elektronikoko bitarteko bat da; identifikatzaile batek eta
bi autentifikazio-faktorez osatua: batetik, erabiltzailea gehi pasahitza; eta, bestetik,
egiaztapen-SMSa.
Edozein gailutan erabili daiteke, ezelako software edo txartel-irakurgailurik instalatu
beharrik barik. Lege-balio osoa dauka, eta guztiz segurua eta doakoa da.
Era berean, Lanbidera sartzeko aukerea emoteaz gain, Eusko Jaurlaritzaren, Foru
Aldundien, Udalen eta Osakidetzaren zerbitzu elektronikoetara eta tramiteetara
sartzeko aukera be ematen dau.
BakQ ziurtagiria lortzeko baldintzak
Gitxienez, 16 urte edukitzea.
Indarrean dagoan identifikazino-agiria aurkeztea: NAN/AIZ/pasaportea.
Helbide elektroniko pertsonala eta aktiboa eukitea, ezin da inogaz partekatutako
helbidea izan.
Telefono mugikorra eta besterenezina eukitea, egiaztapen-kodea pertsona bakar
bati heldu behar jako eta.
Lanbideren zerbitzuak
BakQ identifikazinoaren bidez, Nire Lanbidenet atalerako eta haren zerbitzu
guztietarako sarbidea lortzen da: lan-eskaera barritzea, datu pertsonalak aldatzea,
kurriculuma eguneratzea, aurretiko hitzordua eskatzea, eta abar. Lanbideren bidez
egindako ikastaroen aurreinskripzinoen zerrendara be sartu leiteke, eta dokumentuak
zein ziurtagiriak kontsultatu.
Horrez gain, BakQ ziurtagiriaren bidez, zuzenean altea hartu daiteke enplegu eskatzaile
legez Lanbideren web-gunean (www.lanbide.euskadi.eus).
Halaber, Lanbide Lanapp aplikazino mugikorraren profil pribatura sartu daiteke,
beharrezkoak diran kudeaketak egiteko.
Lanbideren web-gunean aurkitu ahal izango dozu identifikazino elektronikoko sistemei
buruzko informazino gehiago:
https://www.lanbide.euskadi.eus/general/-/acceso-a-mi-lanbidenet-con-identificacion-