Claret Sozial Fondoa Fundazioa 2004. urtean sortu zan, Bilbo Zaharra, San Frantzisko eta Zabala auzoetako pertsonei laguntzeko asmoz. 2015ean Claret Enea Gizartetxea zabaldu eben San Frantzisko auzoko Mariaren Bihotza plazan. Fundazioak bazterketa eta pobrezia egoeran dagozanen gizarteratzea bultzatzeko daukan proiektua da honakoa. Laguntza integral, koordinatu eta pertsonalizatua eskaintzen jake, batez be immigrantei eta emakume izateagatik bazterketa bikotxa sufriduteko arriskuan diran emakume etorkinei.
Claret Enea Gizartetxeak hainbat programa eskaintzen dauz: eguneko zentroa, neguko aterpetxea, familientzako iraupen ertaineko ostatu-laguntzea, laneratzeko orientazinoa eta prestakuntzea… Agustin Ortiz abade klaretarragaz berba egin dogu Lau Haizetara saioan. Bera Bizkaiko Erlijiosoen Konfederazinoaren burua da, Bizkaiko CONFER-eko arduraduna. Misinolari klaretarrek sustatutako Proclade Yanapay Garapenerako Lankidetzarako Gobernuz Kanpoko Erakundeko kidea be bada.
