Neure kasa liburuak 2009tik 2021era bitartean egileak sortutako hamabi komiki labur biltzen dauz, eta askotariko gaiak jorratzen dauz: eguneroko bizitza, umorea, gizarteari buruzko hausnarketak eta bizipen pertsonalak. Aitor Urkiola ‘Brontxe’-k 365 egun ala ondarrutarra izeneko lana dala nabarmentzekoa adierazi dau. Bertan, Ondarroako kale hizkera eta herriko esamoldeak modu grafikoan jaso dauz Urkiolak, herriko ahozko ondarea balioan jarriz. Lan horrek, gainera, 2018ko XI. Galtzakomik lehiaketan bigarren saria eskuratu eban.
Bestalde, bildumak badaukoz beste hainbat kontakizun be: lan munduari buruzko istorioak, zonbiei buruzkoak eta David Bowie musikariari eskainitako komiki laburra, besteak beste. Egileak umorea eta sentiberatasuna buztartu dauz orrialdeotan.
Luterl taldea 1983an sortu zan Ondarroan, komikigintza sustetako helburuagaz, eta urteotan erakusketak, fanzineak eta jardunaldiak antolatu izan dauz. Taldeak iragarri dau etorkizunean komiki monografiko gehiago argitaratzeko asmoa daukala.
