Erreklamatu abogaduen bulegotik, txartelak ez baliogabetu eta oinarrizko agiriak gordetako aholkatu dabe, Municheko aireportuko arazoak direla eta. Gaur eta bihar, Alemaniako Munich-eko aireportuan 48 orduko huelgea dago deituta. Hainbat enpresetako lurreko beharginek deitu dabe huelgea eta eragina nabarmena da. Esan behar, Municheko aireportua Europako garrantzitsunetarikoa dala. Bidai askok, eskala egiten dabe Alemanian. Huelgaren ondorioz, hegaldi asko bertan behera geratu dira. Gaur, Bilbo eta Munich artean zazpi hegaldi geratu dira bertan behera.
Konsultak Erreklamatun
Erreklamatu, abogaduen bulegoa da eta hegaldiakaz sortzen diran kalteak erreklamatzen laguntzen dabe. Municheko aireportuan gertatzen dabilenaren aurrean, jente askok deitu deutse. Bertatik, Jon Ortizek esan deusku, hasteko, bidaiariek, euren eskubideak ezagutu behar dabezala. Garrantzitsua da txartela ez baliogabetzea. Kasu honetan, hegazkin konpainiak ez dabe arazoa eragin, euren beharginak ez dagoz huelgan. Halan eta guztiz be, erreklamazinoa egin daiteke eta kasuan-kasu aztertzeko prest dagoz Erreklamatun. Hori dala eta, gogoratu deuskue, oso garrantzitsua dala oinarrizko dokumentazinoa gordeta eukitea.
