Portuko dartsenaren eta Arrontegiko zubiaren artean kokatuta dago aisialdirako gune barria. Ibilbideak, aisialdirako guneak, kirolerako guneak (pump-track eta patinajerako pista edo bidegorria, esaterako) eta uriko hondartza bat bere pantalan eta guzti daukaz, besteak beste.
Astelehenetik, Barakaldon, industria nagusi zan lurretan, eguraldi onarekin disfrutatzeko parkea zabalik daukie. Gorka Zubiaurre Barakaldoko alkateordearekin izan gara parkearen xehetasunak jakiteko. Proiektuaren lehen fasea inauguratu dabela kontau deusku. Orain, bigarrenari ekingo deutsie eta besteak beste, itsasadarrean, uretako aisialdirako ekimenak gauzatzea da helburuetako bat.
Orain dala hamarkada bat Labe Garaien kokagunea izan zan ingurua. Bilbao Ría 2000 erakundeak 7 milioi euroko inbertsioa egin ostean, paisaia-aldaketarekin eskualde osorako aisialdigune modura erreferente bihurtuko da Zamalanda.
