Abian da Caritas Bizkaiaren Zurekin batera bai! kanpainea. Caritasek bere lana egiten jarraitu ahal izateko laguntzea emotea da kanpaina honen helburua. Aurten, lagun ezagun ugarik egin dabe bat, Iñaki Williams, Gorka Guruzeta eta Unai Simon Athletic-eko jokalariak tartean. Ana Sofi Telletxeak esan deuskunez, lagun ezagunek parte hartzeak bultzadea emon deutso kanpaineari.
200 proiektu baino gehiago
Caritasen 1.700 boluntario baino gehiago dagoz gaur egun laguntzea emoten lanean. Horrez gain, 130 behargin dagoz. Danetara, berrehun proiektu baino gehiago daukiez Bizkaia osoan. Adin txikikoakaz egiten dabe lan, beharrizan ugari daukiezan familiakaz, etorkinakaz… Caritasen web orrian sartuta, kanpainaren barri jaso daiteke. Diru-laguntzarik emon gura izan ezkero, 33514 Bizum zenbakira egin daiteke. Gogoratu dabenez, Caritaseri emoten jakon laguntzeak %45eko zerga-arintze fiskala izaten dau errenta aitorpenean. Ana Sofi Telletxeak aipatu dauanez, Bizkaiko gizartea oso solidarioa da.
