Euskerearen alde lan egin eta konpromisoak hartzeko asmoz, Errime euskera alkartea sortu da Iurretan. Aurreko astean egin eben talde barriaren aurkezpena. Iurretan, Euskaraldia edo Korrika moduko ekimenak antolatzen ibili direnak, euskeraren aldeko bestelako mogimenduetan ibili direnak emon dabe pausua Errime sortzeko. Eñaut Aiartzaguenak azaldu deuskunez, ez dabe azalkerietan geratu gura eta lan egin nahi dabe. Alde horretatik, Iurretako Udalak orain arte erakutsitako jarrerea kritikatu dau. Udalak euskera teknikarik ez izatea ez dabe ondo ikusten, besteak beste.
Errime berbeak, sendo, irmo esan nahi dau. Miren Arroitajauregirena izan da izen hori jartzearen ideia. Logo koloretsua sortu dabe. Esku baten formea dauka, koloreak aniztasunagaz lotuz.
Batzarra udal ordezkariakaz
Iurretako Errime taldeko kideak bihar batzartuko dira udal-ordezkariakaz. Euskaraldiari begira zer egin aztertuko dabe batzarrean, besteak beste. Eñaut Airtzaguenak gogoratu dauanez, Iurretan, Euskal Herriko beste herri askotan gertatzen dan lez, euskerearen ezagutzak gora egin dau baina erabilereak behera.
