Adimen Artifiziala asko garatu da azken urteotan. Testu, irudi, video ala audio sortzaile asko topau geinkez interneten. Chat GPT da, erabiltzaile arruntontzat, adibiderik ezagunena. Zalantza barik, tresna erabilgarriak dira, eta askok egunero erabiltzen dabez euren galdera sinpleenak be argitzeko. Baina ze gertatuko litzateke gure arteko mugak ezabatzen hasten bagara? Tresna bat baino zeozer gehiago bihurtzen bada guretzat? Dilema horretan oinarritzen da Her pelikulea. Sistema operatibo batetaz maitemintzen dan gizon baten istorioa. 2013an estreinau zan Spike Jonzek idatzi eta zuzendutako filma, Adaptation eta Being John Malkovich moduko pelikulak aurkeztu eta gero. Amy Adams, Chris Pratt ala Rooney Mara ikusteaz gain, Scarlett Johansonen abotsa entzungo dogu pelikula honetan, Joaquin Phoenix protagonistagaz batera.
Maitasuna eta konekzinoak bilatzeko daukagun joera naturala aztertzen dau pelikulak. Batez be, zein izango dan teknologiaren rola harremanak sortzeko momentuan, mundua aldatzen dan heinean. Baina etikoa al da gizakien moduko gaitasun eta sentimenduak daukazan Adimen Artifiziala sortzea?
Gizatasuna eta teknologiaren arteko gatazka aztertuko dogu asteon. Ganera, Spike Jonze zuzendariaren egoera pertsonala aitatuko dogu, Sofia Coppolagaz eukindako harremanean oinarritu ebalako pelikula.
Filmin plataforman dago ikusgai.
