Bizkaidatz literatura-sariaren XV.edizinoan euskaraz parte hartzen dabenek Jabi Elortza idazlearen Marlon kontakizuna jarraitu beharko dabe, eta gaztelaniaz parte hartzen dabenen kasuan, istorioa Alud da, Begoña Elorrieta idazlearena. Kontakizunak aurkezteko epea 2023ko martiaren 29tik irailaren 8ra egongo da zabalik.
Bizkaiko Foru Aldundiak bosgarren urtez jarraian antolatu dau Bizkaidatz literatura-saria, herritarren artean literatura-sorkuntzea bultzatu eta sustatzera bideratua. Lehiaketa honetara aurkezten diranek jarraipena emon deutse idazle batek proposatutako istorio bati, harek ezarritako hasierea, pertsonaiak eta egoerak kontuan hartuz. Aurtengo edizinoan, abiaburutzat hartuko diran kontakizunak honako honeek dira: Jabi Elortzaren Marlon euskarazko modalidadean, eta Begoña Elorrietaren Alud gaztelaniazko bertsinorako.
