Muxikako Herriz Herri saioan, bertsolaritzea izan dogu gaietariko bat. Garriko Bertso Eskolea zaharrenetarikoa da. Gerra ostean sortu eben Balendin Enbeitaren inguruan. Pedro Ajuriaren ‘Fuenterrabia’ tabernan batzen hasi ziran, Bizkaiko Txapelketea prestatzeko. Sasoi haretako salaketak saihesteko, jente aurrean batzea erabagi eben. Halan kontau deusku Jon Enbeita bertsolariak, Balendinen semeak.
Garrikok, gaur egun, Garriko Bertsolari Eguna antolatzen dau urtean behin. Aurtengoa, apirilaren 30ean izango da, domekan. Bertsolari gazteak batzen dira, 50-60 inguru. Izan be, helburua bertsolaritzan dabilzanak alkartzean dala nabarmendu dau Enbeitak. Ordubeteko lana egin behar izaten dabe, gaia emonda. Enbeitaren esanetan, bat-bateko bertsolaritzea da, baina idatziz.
