Feminismoak gero eta jarraitzaile gehiago daukoz emakume nerabe eta gazteen artean, baina ez da gauza bera gertatzen mutilen kasuan. Artxandape Ikastolan orain urte batzuk Eguzki Morea taldea osotu eben,
2015-2016 ikasturtean hain zuzen be. Ordutik hona feminismoaren aldeko gaiak lantzen dabez talde horretan. Bardintasun ezaren kontrakoak. Bihar, Emakumearen Nazinoarteko Eguna ospatuko da eta Artxandapen ekintza bat baino gehiago jarriko dabe martxan.
“Guretzat M8a ez da beste egun normal bat, oso egun garrantzitsua da” zehaztu deuskue Artxandapeko Eguzki Morea taldeko Jonek, Nahiak eta Kattalinek. Gazte honeek 15 eta 16 urte bitarteko neskak dira. Feminismoaren jarraitzaileak batez be neskak dira. Mutilen kasuan salbuespenen bat egon daiteke, baina gitxi dirala esan deuskua Artxandapeko ikastolatik.
